ÀTERAS LIMBAS

Su progetu de su Grant dizionari bilengal talian Furlan est de seguru una de sas cosas prus importantes promòvidas in s'àmbitu de sa tutela de sa limba friulana e nde faghet un'istrumentu istratègicu. L'at afirmadu s'assessore regionale de sa cultura, Roberto Molinaro, presentende sa versione atualizada de su CD de su Ditzionàriu friulanu, fata in s'auditorium de sa Regione Friuli in Udine. Un'apuntamentu chi crompet tres annos, a pustis de sa prima presentatzione de su ditzionàriu, chi como tenet 23.000 paràulas e 14.000 locutziones.
Su GDBTF l'at fatu su Centri Friûl Lenghe 2000 (CFL 2000), cunsòrtziu nàschidu dae un'initziativa de s'Universidade de Ùdine paris cun entes e assòtzios chi sunt operende o ant operadu in favore de sa limba friulana, comente su Cunsòrtziu Universitàriu de su Friuli, sa Cooperativa Informazione friulana, sa Società Filologica Friulana, sa Cooperativa Serling, sa Union dai Scritôrs Furlans, s'Istitût Ladin Furlan Pre Checo Placerean e su Tzìrculu culturale "il Menocchio".
Ant presentadu sa versione noa de su GDBTF, cumpatìbile cun Windows, Linux e Mac OS X Tiger, su professore de Filologia e linguìstica romànica in s'Università de Ùdine, Giovanni Frau e su presidente e  lessicologo de su CFL2000, Luca Peresson e Alessandro Carrozzo.
Moderadore de s'addòviu est istadu su direttore de su servìtziu regionale Identitades linguistìcas, Marco Stolfo. Sunt intervènnidos su presidente de s'ARLeF-Agjenzie Regjonâl pe Lenghe Furlane, Lorenzo Fabbro, su vitzepresidente de sa Società Filologica Friulana, Federico Vicario, su sìndigu de Ùdine, Furio Honsell.