ÀTERAS LIMBAS

Dae su 20 a su 23 de maju de su 2009, in Tèramo-Faeto, b'ant a èssere sas "Giornate dei Diritti Linguistici", cròmpidas a sa de 3 editziones.
Su tema de ocannu est "ROVESCIARE BABELE, economia ed ecologia delle lingue regionali e minoritarie".
Semper in sas matessi datas e in sa matessi ocasione, b'at a èssere su 1u Festival delle letterature in lingua minoritaria d'Europa e del Mediterraneo.
Ambas manifestatziones sunt co-organizadas dae s'Universidade de Teramo e dae sa Comuna de Faeto, ìsula linguìstica franco-proventzale in provìntzia de Foggia.

Ant a faeddare una barantina de ispetzialistas mescamente universitàrios e istràngios chi s'interessant de linguìstica, deretu, sotziologia, economia, etc. e unos cantos protagonistas de s'isvilupu locale, chi arribbant dae una bindighina de istados finas extraeuropeos.
Unu de sos temas fundamentales de sas Dies est pròpiu sa creatividade in sas limbas minoritàrias, presentadu cun su 1u Festival de Literadura.

Su coordinadore de totu custas initziativas est su prof. Giovanni Agresti, ispetzialista de linguiìstica frantzesa e de limba otzitana

In allegadu, presentadmus su programa intreu de sas Dies de Istùdiu