Addòvios Benidores

In Bonàrcadu, Sala Cunsiliare de su Comunu, cursu de Itàlia 140, dae sas 16 h 00 a sas 19 h 00, Cristianu Bècciu, istudiosu de limba sarda e Diegu Corràine, diretore de su Progetu “In Sardu, sa limba nostra” e de s'ULS de sa Provìntzia de Ogiastra, ant a faeddare de su bisòngiu de unu ditzionàriu normativu modernu, abertu a sas variedades locales, chi siat presente internèt.
Becciu at a presentare unos cantos cunsideros a propòsitu de sos vocabulàrios istòricos de sa limba sarda, dae Ispanu a Casu e a àteros.
Corràine at a presentare s'istrutura e sas finalidades de su Ditzionàriu sardu de su tempus nostru/DSTN, chi est faghende in internèt unu grupu de espertos de limba sarda. Su DSTN est unu ditzionàriu in Lsc, cun presèntzia de sinònimos, contràrios, antropònimos, macrotopònimos, forestierismos e àteru.
Ant a saludare sos presentes unu rapresentante de s’Amministratzione comunale de Bonàrcadu e Antonella Pinna, operadora de s’Isportellu Linguìsticu de Bonàrcadu.