Addòvios Benidores

Sas Leges e sa voluntaade de una parte manna de sos Sardos diant chèrrere chi su sardu siat ufitziale in Sardigna in cada àmbitu e impreu. Ma pro otènnere custu resurtadu bi cheret finas voluntade polìtica e progetos craros. Pro pònnere in pràtica custu deretu istòricu e culturale nostru, a manera chi su sardu siat torra ufitziale in Sardigna comente est istadu a su nessi pro bator sèculos de su millènniu coladu, bi cheret una fortza populare semper prus manna chi custringat sos polìticos a mòvere sos passos giustos. Pro faeddare de sa cunditzione de sa limbas sarda oe,  de sa modernizatzione e sistematzione sua, de sas àteras limbas de Sardigna, s'ULS est cumintzende a propònnere una cunferèntzia in sas biddas interessadas pro discùtere s'argumentu:

“Pro una Limba Sarda ufitziale in sa sotziedade e in su territòriu”.

Su primu de custos apuntamentos est in ALÀ, 17 TRÌULAS 2009, Palatu Corda·Colonna, carrera de Tirsu, a sas 18 h 30.
At a faeddare de su tema: Diegu CORRÀINE, diretore de su Progetu in Rete “In Sardu, sa limba nostra” e de s’ULS de sa Provìntzia de Ogiastra.
Ant a saludare sos presentes: Francesco PITZALIS, sìndigu de Alà, Roberto METTE e Franco CASU, assessores de su Bilàntziu e de sa Cultura

Su patronadu de s'addòviu est de:
-sa Comuna de ALÀ
-su Coordinamentu de sa Minoria Linguìstica sarda (Provìntzias de Ogiastra e Tàtari)
-sa Provìntzia de Tàtari
-sa Provìntzia de Ogiastra