Su DES est s'òpera prus importante de M L Wagner, chi est de seguru s'istudiosu prus connotu e famadu de limba sarda in su mundu.
A pustis de belle 50 annos dae sa prima editzione, de una prima ristampa anastàtica e de una segunda ristampa prena de faddinas, custa editzione non podet mancare in peruna mesa de istudiosu o apassionadu de limba sarda.
Ilisso, in su mese de nadale de ocannu, proponet in unu libru ùnicu, prus discansosu e pràticu, sos chi in sas editziones de in antis fiant partzidos in duos tomos, su primu cun sas paràulas dae A a I, su segundu dae L a Z. Su segundu volùmene de custa editzione currispondet a s'Ìnditze redatadu dae Rafael Urciolo, amigu e finantziadore de sos istùdios de Wagner.
Pro custa editzione noa, chi at currègidu faddinas de sas àteras editziones, at traballadu unu grustu de espertos linguistas coordinados dae prof. Giùliu Paulis, a pustis de àere finas torradu a lèghere sos manuscritos originales e sos testos de Wagner.
Sos duos volùmenes (in totu 1336 pàginas mannas 28x19,7 cm), in intro de unu istùgiu de cartone tostu e a colores, costant 130,00 èuros, ma iscriende a Ilisso pro l'ordinare:
ordini@ilisso.itsi podet finas otènenre un'iscontu de su 15%. Sos gastos de ispeditzione sunt a càrrigu de s'editore. Chie còmporat non pagat nudda.
[
red]
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.