Mèrcuris su 3 de làmpadas de su 2009, in Busache, a sas h 9.30, b'at a èssere un'addòviu cun su tìtulu "Limba sarda, mèdiu de cuntemporaneidade. Istùdios e progetos in sa linguìstica e in su tzìnema".
Su Cunvegnu cheret ammustare unos cantos istùdios e progetos chi còllocant sa limba sarda comente istrumentu cuncretu de sa cuntemporaneidade. S'Initziativa at a èssereunu mamentu de sìntesi de s'aplicatzione de su sardu in s'àmbitu linguìsticu e tzinematogràficu modernu, boghende e faghende bìdere potentzialidades e prospetivas mescamente a sos pitzocheddos de iscola, destinatàrios de su benidore de sa limba sarda.
Ant a faeddare Diegu Corràine, diretore de su Progetu "In sardu Sa limba nostra" e de s'ufìtziu de sa limba sarda de sa Provìntzia de Ogiastra, Cristiano Becciu, espertu de limba sarda, e Tore Cubeddu, operadore de s'isportellu de sa limba sarda de sa Provìntzia de Aristanis.
S'initziativa est promòvia dae s'Unione de sas Comunas de su Barigadu
e dae su sistema Bibliotecàriu de su Barigadu.
cun su tastu de dereta de su sorighitu e, a pustis, seletziona 'Copia Indirizzo'. Pustis copiadu su collegamentu, incolla lu in s'agregadore tuo.